Kocha Msaidizi wa Taifa Stars, Hemed Morocco, amesema wamejiandaa vizuri kuelekea mchezo wa leo dhidi ya Algeria utakaoanza saa mbili usiku huu.
Morocco ameeleza kuwa watatumia mfumo wa kushambulia na siyo kujilinda ili waweze kupata matokeo, pengine kulipiza kisasi baada ya Stars hizo kupoteza mchezo waliokutana mara ya mwisho kwa mabao 7-0.
Akizungumza na Chombo kimoja cha Radio 'EFM', Morocco anaamini vijana wake watafanya vizuri kutokana na maandalizi namna yalivyokwenda na hali ya kikosi kilivyo.
Mabadiliko kadhaa yameonekana hii leo, ambapo Golikipa Aishi Manula ameondolewa kikosini baada ya kuwa majeruhi, na nafasi yake ikichukuliwa na Abdulrahman Mohammed.
Aidha mfumo utakaotumika leo umebadilika, kutoka 4-4-2 na leo utatumika wa 4-3-3.
Mechi hiyo itaanza saa mbili kamili usiku huu.
No comments: